पुण्यातील नामवंत संस्था डेक्कन एज्युकेशन सोसायटीची माधव सदाशिव गोळवलकर गुरुजी विद्यालय पुणे ही आपली शाळा न्यू इंग्लिश स्कूल टिळक रोडच्या प्रांगणात भरते. आपल्या प्रशालेचा माध्यमिक विभाग २०१४  पासून कार्यरत आहे. 

हवेशीर प्रशस्त वर्ग खोल्या विद्यार्थ्यांना अभ्यासासाठी पोषक वातावरण निर्माण करतात. इयत्ता दहावीच्या वर्गांमध्ये स्मार्ट बोर्ड तसेच इयत्ता आठवी व नववीच्या वर्गामध्ये प्रोजेक्टर यांच्या माध्यमातून आधुनिक तंत्रज्ञानाच्या साहाय्याने  विद्यार्थ्यांना अध्यापन केले जाते. शाळेची सुसज्ज प्रयोगशाळा तसेच स्टेम लॅब विद्यार्थ्यांच्या मनामध्ये वैज्ञानिक दृष्टिकोन रुजवते आणि संशोधन वृत्ती वाढीस लावते. काळाची पाऊले ओळखून राष्ट्रीय शैक्षणिक धोरण (NEP) मध्ये उल्लेख केलेल्या व्यावसायिक मार्गदर्शनासाठी Lend-a-hand आणि प्रशाला यांच्या संयुक्त विद्यमाने कौशल्य विकास अभ्यासक्रम केंद्र शैक्षणिक वर्ष २०२३-२०२४ पासून सुरू करण्यात आले आहे. या अंतर्गत Gardening and Agricultural techniques, Food technology, Electrical and Plumbing, Carpentry हे विषय शिकवले जातात.

सर्व प्रकारच्या खेळाचे साहित्य शाळेमध्ये असल्याकारणाने अभ्यासाबरोबर खेळाचाही विद्यार्थी आनंद घेतात. सुदृढ आणि निरोगी शरीर यावर भर दिला जातो. शाळेतील ग्रंथालयाचा वापर करून विद्यार्थी आपली वाचन संस्कृती जपतात. 

आम्ही विद्यार्थ्यांना शिक्षणासाठी आनंददायी वातावरण देण्यास कटिबद्ध आहोत. विद्यार्थ्यांच्या सर्वांगीण विकासासाठी आम्ही प्रयत्नशील आहोत. विद्यार्थ्यांच्या क्षमतांचा विकास करणे, आजच्या स्पर्धात्मक जगासाठी त्यांना तयार करणे, त्यांच्या नवनिर्मिती क्षमतेला खतपाणी घालून संशोधनात्मक वृत्ती वाढीस लावणे यासाठी आम्ही  कार्यशील आहोत. 

आधुनिक तंत्रज्ञान युगासाठी विद्यार्थ्यांना तयार करणे, त्याचबरोबर आपल्या संस्कृतीची जोपासना करण्यासाठी प्रेरित करण्याचे आमचे धोरण आहे. आम्हाला विश्वास आहे की आम्ही विद्यार्थ्यांमध्ये आत्मविश्वास वाढीस लावण्यास यशस्वी होऊ,  त्यामुळे विद्यार्थी सर्व क्षेत्रांमध्ये प्रगतीपथावर राहतील.