भारतात उगम पावलेली ‘योग’ ही एक प्राचीन कला आहे. भगवान पतंजली मुनी यांनी आपल्या योगसूत्राद्वारे मानवी शरीराच्या मानसिक, बौद्धिक व शारीरिक विकासाची संकल्पना स्पष्ट केली आहे.
      दरवर्षी 21 जून हा दिवस 'आंतरराष्ट्रीय योग दिन’ म्हणून साजरा केला जातो. आपल्या प्रशालेतही दिनांक 21 जून 2025 रोजी  शालेय ग्रंथालयात ‘योग दिन’ साजरा केला गेला. आंतरराष्ट्रीय योग दिनानिमित्त प्रशालेत प्रमुख पाहुण्या म्हणून डॉ. मनाली देव यांना आमंत्रित करण्यात आले होते. योगगुरु  डॉ. मनाली देव  यांच्या कार्याचा परिचय प्रशालेतील शिक्षक श्री. प्रशांत जाधव सर यांनी करून दिला.
          प्रशालेच्या मुख्याध्यापिका मा.सौ.वासंती ताई बनकर यांनी डॉ. मनाली देव यांना भेटवस्तू देऊन त्यांचे स्वागत केले. डॉ.मनाली देव यांनी प्रात्यक्षिकांद्वारे योगाचे महत्त्व पटवून दिले.
       या संपूर्ण कार्यक्रमाचे सूत्रसंचालन प्रशालेतील शिक्षिका सौ.मिनल ताई यांनी केले, तर कार्यक्रमाचे प्रास्ताविक श्री. सुभाष सर यांनी केले.  या कार्यक्रमात आभार प्रदर्शन सौ.दीप्तीताई यांनी केले . तसेच कार्यक्रम यशस्वीरीत्या पार पाडण्यासाठी सौ.श्रद्धा ताई व सौ.निलिमाताई यांनी विशेष मेहनत घेतली.